CULTURA
Martes 21 de novembro do 2006
O mundo na túa cabeza ¿estás seguro do que ves é o nome da nova exposición que, desde o mércores 22 de novembro, acollerá a Sala de Exposicións do Pazo da Cultura. Trátase dunha mostra didáctica, enmarcada dentro do programa A Culturaeduca do Concello de Carballo e a Semana da Ciencia 2006, organizada pola Dirección Xeral de Investigación, Desenvolvemento e Innovación. Está dirixida a todos os públicos e centros de educación de Bergantiños a partir de 9 anos, e poderá visitarse até o 8 de decembro.
CONVENIO
Martes 21 de novembro do 2006
O alcalde de Carballo, Evencio Ferrero, e o director xeral de Caixa Galicia, José Luis Méndez López, asinaron este mércores, no Salón de Plenos do Concello de Carballo, un convenio para a construcción e equipamento da nave I da Casa dos Oficios. Caixa Galicia, a través da súa Obra Social, destina ao centro un orzamento de 300.000 euros. No acto estiveron presentes representates do mundo político e empresarial de Carballo. Con anterioridade ao mesmo, José Luis Méndez asinou no Libro de Honra do Concello de Carballo.
CULTURA
Luns 20 de novembro do 2006
A representación teatral Silencio, cerebro, acción, da compañía galega Buratini abre este martes, 21 de novembro, os actos enmarcados dentro da programación de A Culturaeduca do Concello de Carballo, un programa de oferta cultural na escola. O espectáculo está dirixido a nenos de 9 a 11 anos e desenvolverase no Pazo da Cultura.
CULTURA
Luns 20 de novembro do 2006
O Novembro con Música do Concello de Carballo achegará esta semana cinco novos concertos ao Pazo da Cultura, dirixidos a diferentes públicos de todas as idades. As actuacións comezarán este mércores, cun concerto didáctico dirixido aos alumnos de 5º e 6º de Primaria de Carballo, a cargo do Grupo de Metais Santa Cecilia. Este concerto, a celebrar ás 10,15 e 11,45 horas, está incluído, ademais, no programa A Culturaeduca do Concello de Carballo. Tamén entre semana, o xoves, a Orquestra de Altos Estudos Musicais de Santiago de Compostela ofrecerá un concerto a partir das 20,30 horas.
CONVOCATORIA
Luns 20 de novembro do 2006
Este martes, 21 de novembro, o Concello de Carballo e Caixa Galicia asinarán un convenio para a construcción e equipamento do edificio principal da Casa dos Oficios. O acto terá lugar no Salón de Plenos do Concello de Carballo, a partir das 12,30 horas, e no mesmo participan o alcalde de Carballo, Evencio Ferrero, e José Luis Méndez López, director xeral de Caixa Galicia. Caixa Galicia, a través da súa Obra Social, destinará ao centro un orzamento de 300.000 euros.
CULTURA
Venres 17 de novembro do 2006
A sala de exposicións do Pazo da Cultura acolle, desde este venres 17 até o vindeiro 30 de novembro, a exposición Manuel María, a palabra viva. A mostra está integrada por 25 paneis que percorren a personalidade e a obra literaria do escritor Manuel María, desde a súa biografía até poemas íntimos e cancións de amor, entre outros.
EMPREGO
Venres 17 de novembro do 2006
A Delegación Provincial da Consellería de Traballo ven de comunicar a concesión dunha subvención para a contratación de dous oficiais para a Brigada de Medio Ambiente. A duración dos contratos será de 9 meses e, para poder ser seleccionados, os aspirantes deben ser desempregados e estar inscritos na Oficina de Emprego.
MEDIO AMBIENTE
Venres 17 de novembro do 2006
Este sábado, 18 de novembro, a coordenación do Proxecto Ríos realizará unha saída formativa na que mostrará aos participantes a metodoloxía do proxecto cun percorrido, pola mañá, no río Bardoso. Na saída, logo de facer un pequeno esquema do treito elexido, cumplimentaranse as fichas de inspección, e realizarase un estudo do ecosistema acuático tanto dende un punto de vista bioloxico como físico-químico. Os datos recollidos servirán para realizar un informe anual do estado de saúde dos ríos galegos. As persoas que queiran sumarse a esta iniciativa de ADEGA, apoiada polo Concello de Carballo, aínda poden facelo. A saída seá dende o Concello ás 10:30 horas, e dende alí irase ao rio Bardoso, na parroqua de Artes, no Lugar do Forno, na estrada Carballo-Ordes.
DESENVOLVEMENTO SOSTIBLE
Venres 17 de novembro do 2006
Os alcaldes dos Concellos de Carballo, Coristanco, Laracha, Malpica e Ponteceso mantiveron este venres unha xuntanza en Buño, co obxectivo de presentar os pasos a dar para o deseño dunha estratexia que plasme a candidatura conxunta destes cinco concellos do Plan de Dinamización Comarcal, de cara á súa integración no proxecto de sustentabilidade da Consellería de Medio Ambiente. Os rexedores locais presentaron as liñas básicas da iniciativa, de cara a formalizar a petición de Vilas Sustentables desde un ámbito comarcalizador.
CULTURA
Xoves 16 de novembro do 2006
A partir deste venres, 17 de novembro, poderán retirarse as entradas para a ópera Bastián e Bastiana, prevista para o día 26 e incluida na programación do Novembro con Música do Concello de Carballo. Debido á expectación xerada e ao interese detectado no público, a Concellaría de Cultura porá a disposición dos interesados as entradas no Museo de Bergantiños, podendo retirarse 4 entradas por persoa como máximo. As entradas son gratuitas.
DESENVOLVEMENTO SOSTIBLE
Xoves 16 de novembro do 2006
O alcalde de Carballo, Evencio Ferrero, participa este venres, 17 de novembro, dunha nova xuntanza en Buño, xunto cos rexedores de Malpica, Laracha, Coristanco e Ponteceso, para comezar a definir o proxecto de sostibilidade que promove a Consellería de Medio Ambiente. Esta reunión sucede a outra mantida, no pasado mes de agosto, co director xeral de Desenvolvemento Sostible da Xunta de Galicia, Emilio Manuel Fernández, nas que se acordou a incorporación dos concellos de Coristanco e Ponteceso, ademáis doutra das mesmas características cos alcaldes de Malpica e Laracha. A xuntanza de mañán está prevista para as 10,00 horas.
EDUCACIÓN
Xoves 16 de novembro do 2006
O alcalde de Carballo, Evencio Ferrero, e o delegado provincial da Consellería de Educación, Pedro Armas, mantiveron esta mañán unha xuntanza na que o rexedor local plantexou a necesidade de que a Escola Oficial de Idiomas de Carballo conte cun código propio, é dicir, que non sexa dependente da Escola de Idiomas de A Coruña. Foi un dos asuntos que se abordaron na reunión, na que tamén se plantexou a posibilidade de que a Escola de Idiomas de Carballo conte cun edificio propio, asuntos que serán valorados e sopesados en próximas datas.
