Inicio Carballo ao día Hemeroteca
Xoves 11 de xaneiro do 2007
A directora xeral de Comercio, Ana Rúa, visitará este venres Carballo para coñecer de primeira man a situación do mercado municipal, logo de quedar deserto o concurso para a reforma do mesmo e a contrucción dun aparcamento soterrado. Ana Rúa reunirase co alcalde de Carballo e os placeiros do mercado, ademáis doutros membros do goberno local, a partir das 12,00 horas.
Xoves 11 de xaneiro do 2007
O Pazo da Cultura acolleu este xoves a presentación do proxecto Literactúa, polo que o Concello de Carballo, desde a Concellaría de Cultura, Ensino e Normalización Lingüística, adquire o compromiso de fomentar o libro e a lectura en galego. Literactúa nace coa vontade de estabilizar e darlle continuidade a ese fomento do libro e da lectura en galego e de englobar e tecer pontes entre outras propostas que xa se desenvolven desde o Concello, como poden ser, por exemplo, a Praza dos Libros, a Semana do Libro e a Lectura, Libros Ceibes, etc., e outras posibles organizadas por outras entidades nas que pode participar o Concello de Carballo. Na presentación estiveron presentes o alcalde de Carballo, Evencio Ferrero, a concelleira de Cultura, Ensino e Normalización Lingüística, Belén Lendoiro, Antón Guitoi, en representación dos bares colaboradores co proxecto, e Nel Vidal, do Servizo de Normalización Lingüística do Concello de Carballo.
Martes 9 de xaneiro do 2007
O Concello de Carballo acolleuse, un ano máis, á Campaña de Esquí que, para nenos de 10 a 13 anos, organiza a Deputación da Coruña. A actividade está enmarcada dentro da programación deportiva do ente provincial para o ano 2007 e desenvolverase, no caso dos rapaces de Carballo, entre o 3 e o 10 de febreiro. As idades dos rapaces participantes son para os que naceron entre o 4 de febreiro de 1993 e o 3 de febreiro de 1997, e é imprescindible que sexan veciños do Concello de Carballo. O prazo de inscrición para achegar as solicitudes permanecerá aberto até o 23 de xaneiro de 2007.
Martes 9 de xaneiro do 2007
O Concello de Carballo, a través da Concellería de Promoción Económica e en colaboración coa Rede de Dinamización da Sociedade da Información, pon en marcha un obradoiro para fomentar o uso de Internet na solicitude de citas previas co Centro de Saúde.
Luns 8 de xaneiro do 2007
O Concello de Carballo remitirá a Unión Fenosa e á Delegación Provincial da Consellería de Industria unha reclamación dos veciños do lugar de Vilanova, na parroquia de Cances, na que denuncian problemas de suministro eléctrico. A reclamación faise logo da remisión doutro escrito na que o Concello denunciaba fallos no suministro durante as pasadas festas de Nadal no entorno da Praza de Galicia e rúa Coruña.
Luns 8 de xaneiro do 2007
O vindeiro luns, 15 de xaneiro, remata o prazo de presentación de solicitudes para os maiores do concello que queran participar no Programa de Termalismo Social do Imserso, para as quendas dos meses de febreiro a agosto, e que convoca a Vicepresidencia da Igualdade e do Benestar a través da Secretaría Xeral do Benestar e a Dirección Xeral de Acción Social. Os interesados que non dispoñan das solicitudes, xa remitidas polo Imserso ao domicilio dos solicitantes do ano pasado, poden recollelas nos Servizos Sociais do Concello de Carballo. Tamén poden descargarse os modelos na páxina do Programa de Termalismo Social, onde pode ampliarse a información desta iniciativa.
Luns 8 de xaneiro do 2007
A Xunta de Goberno Local aprobou, na sesión celebrada este luns, o proxecto básico e de execución da obra Paseo Fluvial do río Anllóns, na súa segunda fase, cun presuposto de contrara de 391.862,67 euros. Foi un dos acordos adoptados nunha sesión na que, ademáis, aprobouse a solicitude de subvencións para programas de Sevizos Sociais, Fomento da Política de Igualdade entre Mulleres e Homes durante o ano 2007 e programa de apoio ao deporte, dirixido a Concellos.
Venres 5 de xaneiro do 2007
Seguindo a política do grupo de goberno de ofrecer un ensino público de calidade, o Concello de Carballo ven de realizar durante as vacacións de Nadal, aproveitando a ausencia de nenos e nenas nas aulas, diferentes melloras pendentes e demandadas en varios centros de ensino da localidade. A estas actuacións, levadas a cabo en colexios como o Fogar, Bergantiños e Xoane, sucederán outras en diferentes centros educativos, cun orzamento total que ronda os 30.000 euros.
Venres 5 de xaneiro do 2007
A Xunta de Goberno Local celebrará o vindeiro luns, 8 de xaneiro, unha nova sesión ordinaria na Casa do Concello, a partir das 13,30 horas. Na orde do día figura a concesión de licenzas para o proxecto de execución dun edificio de 6 vivendas na rúa Gran Vía, a construcción dun edificio de 8 vivendas na rúa Rosas, a dun edificio de 4 vivendas na avenida das Flores e doutro na rúa do Sol. Igualmente, debatirase a concesión dunha licenza para a construcción dunha vivenda unifamiliar en Queo de Abaixo, na parroquia de Bértoa.
Venres 5 de xaneiro do 2007
Este venres, 5 de xaneiro, Carballo recibe a tradicional visita dos Reis Magos, cunha cabalgata que encherá de cor as rúas do concello e onde os máis pequenos serán os verdadeiros protagonistas. A Cabalgata comezará coa chegada dos Reis ao Centro Comercial Bergantiños-Haley, ás 17,45 horas en coches descapotables, onde saudarán aos nenos e nenas antes de subir ás carrozas. A saída do Centro Comercial está prevista para as 18,00 horas e a chegada á Praza do Concello contra as 20,00 horas. O Centro Comercial Bergantiños-Haley colaborará coa cabalgata regalando, ademáis dos caramelos, 3000 agasallos que se distribuirán entre os asistentes.
Xoves 4 de xaneiro do 2007
A pista de xeo instalada no aparcamento do San Martiño estase a converter nun punto de referencia para o lecer nestas datas de nadal. Preto de 8.000 persoas acudiron a patinar durante o mes de decembro, unha cifra que, segundo manifestaron os responsables da iniciativa, supera as expectativas iniciais.
Xoves 4 de xaneiro do 2007
Os datos arroxados no ano 2006, en relación á tramitación de licenzas para a construcción de vivendas en Carballo, segue a confirmar unha alza espectacular. No recentemente concluido exercicio tramitáronse licenzas para a construcción de bloques de edificios para 1.043 vivendas. Nas zonas de núcleos rurais tamén aumentaron as solicitudes de licenzas, cun total de 96 para vivendas unifamiliares. As cifras totais, no ano 2006, sitúanse en 1.139 vivendas no concello de Carballo.