XUVENTUDE
Mércores 24 de xaneiro do 2007
O Concello de Carballo ven de integrarse na rede galega de locais de ensaio, unha iniciativa da Dirección Xeral de Xuventude que pretende contribuír á promoción cultural e artística, incentivar formas de lecer alternativas e achegar a música aos mozos. Así o manifestou o director xeral de Xuventude, Rubén Cela, na visita que fixo a Carballo este pasado martes. A Xunta de Galicia centrarase en mellorar o equipamento e instalacións nos locais de ensaio que, no caso de Carballo, xa están sendo utilizados por grupos musicais locais no Pazo da Cultura.
ARQUIVO
Mércores 24 de xaneiro do 2007
O escritor e historiador carballés, Xan Fraga Rodríguez, entregou este mércores o seu arquivo fotográfico ao Concello de Carballo, composto por fotografías, postais e documentos que foi recollendo ao longo da súa investigación da historia de Carballo. O acto tivo lugar no arquivo municipal do Concello e no mesmo participaron a responsable do arquivo, Marina Carballido, o concelleiro de Servizos, Luis Lamas, e o alcalde de Carballo, Evencio Ferrero. Xan Fraga doou, desinteresadamente, un total de 855 fotografías e postais, algunhas circuladas, que van desde finais do século XIX até as décadas dos anos 1970 e 1980.
ARQUIVO
Martes 23 de xaneiro do 2007
O escritor e historiador carballés, Xan Fraga Rodríguez, entregará mañá mércores, 24 de xaneiro, o seu arquivo fotográfico ao Concello de Carballo, composto por fotografías, postais e documentos que foi recollendo ao longo da súa investigación da historia de Carballo. O acto terá lugar ás 12,30 horas no arquivo municipal, do que participarán tamén a responsable do mesmo, Marina Carballido, e o alcalde de Carballo, Evencio Ferrero.
CULTURA
Martes 23 de xaneiro do 2007
Desde o pasado luns, 22 de xaneiro, están á venda os bonos para asistir a todas as representacións de teatro dos Venres Cuturais do Concello de Carballo, que terán lugar entres os meses de xaneiro e abril. En total son seis obras teatrais, sendo o prezo do bono ordinario de 14 euros e o bono especial con prezo reducido, para estudantes con carnet de estudante, maiores de 65 anos e menores de 12 anos, de 11 euros. Os bonos poden adquirirse no Pazo da Cultura en horario de 11,00 a 14,00 horas.
MEDIO AMBIENTE
Luns 22 de xaneiro do 2007
Este martes, 23 de xaneiro, comeza en Carballo unha nova campaña de sensibilización ambiental, promovida polo Concello de Carballo e dirixida aos escolares da localidade. Seiscentos alumnos e alumnas participarán, ao longo do primeiro cuatrimestre, de 27 actividades como as tres saídas divulgativas que se levarán a cabo a Razo e Baldaio, obradoiros e charlas sobre biodiversidade e medio natural ou obradoiros de elaboración de xoguetes con residuos.
CULTURA
Luns 22 de xaneiro do 2007
O Concello de Carballo e a Asociación Socio-Pedagóxica Galega presentaron o programa Aprender para educar, unha iniciativa para nais e pais que se reanudará o vindeiro xoves, 25 de xaneiro, coa participación do catedrático de Didáctica e Organización Escolar da Universidade de Málaga, Miguel Ángel Santos Guerra. A conferencia terá lugar no Pazo da Cultura, a partir das 20,00 horas, e versará sobre a situación da escola. Na presentación do programa estiveron presentes María Xosé Bravo e Carme Vilariño, representantes da asociación, ademais do alcalde de Carballo, Evencio Ferrero, e a concelleira de Cultura, Belén Lendoiro. Todos recomendaron, debido ao seu contido, a participación do profesorado na charla do vindeiro xoves.
XUNTA DE GOBERNO LOCAL
Luns 22 de xaneiro do 2007
A Xunta de Goberno Local aprobou, na sesión ordinaria celebrada este luns, a autorización de licenzas para a construcción de dous novos edificios en Carballo, de 18 e 10 vivendas nas rúas Xazmíns e Vila de Noia respectivamente. Ademáis, adxudicouse mediante subhasta, procedemento aberto, a obra Execución de edificación destinada a Escola Taller de Carballo, Fase II, Nave 1, a Sistemas Avanzados de Transformación SL no prezo de 300.165,49 euros, cun prazo de execución de 5 meses contados a partir do día seguinte á sinatura da acta de comprobación de replanteo.
CULTURA
Venres 19 de xaneiro do 2007
O Pazo da Cultura de Carballo acolle esta fin de semana dous concertos que abrirán a programación dos Venres Culturais. O programa arranca este venres, 19 de xaneiro, cun concerto de Joao Afonso e Uxía a partir das 21,00 horas e con entrada libre. O sábado 20 o Coro Aires de Bergantiños, tamén a partir das 21,00 horas e con entrada libre, ofrece un concerto con motivo do seu XXI aniversario.
OBRAS
Venres 19 de xaneiro do 2007
O Concello de Carballo ven de asinar un contrato coa empresa Ponciano Nieto para reanudar, este mesmo mes, as obras de ampliación da Ponte da Casilla. A actuación enmárcase dentro da reforma da Travesía Principal de Carballo e contempla un orzamento de 159.144,58 euros. As obras prolongarase por espazo de seis meses e serán financiadas pola Consellería de Política Territorial, Obras Públicas e Transporte.
CONVOCATORIA
Venres 19 de xaneiro do 2007
A Xunta de Goberno Local celebrará o vindeiro luns, 22 de xaneiro, unha nova sesión ordinaria. Na orde do día figura a autorización de licenzas para a construcción de dous novos edificios en Carballo, de 18 e 10 vivendas nas rúas Xazmíns e Vila de Noia respectivamente. Ademáis, inclúese a aprobación do expediente de contratación da obra Supresión de barreiras arquitectónicas en edificios municipais - Escola Infantil As Landras, piscina Vila de Noia e piscina Carballo Calero, ademáis da adxudicación das obras Ececución de edificación destinada a Escola Taller de Carballo, Fase II, Nave 1, Completar e reparar as beirarrúas nas rúas Rosas, Mirtos, Amapola e Dalias e Afirmado de camiño Centeas-Oza.
CULTURA
Xoves 18 de xaneiro do 2007
A Fundación para el Desarrollo de la Formación en las Zonas Mineras del Carbón ofrece para este ano 2007 un programa de axudas e bolsas en zonas mineiras do carbón aos concellos do Plan da Minería do Carbón, nos que está incluido o Concello de Carballo. Este programa está formado polo programa de axudas para a realización de accións de formación dirixido a entidades xurídicas públicas ou privadas, que acrediten experiencia na realización de actividades de formación destinadas a traballadores desempregados para proporcionarlles unha cualificación técnica. O prazo de presentación de solicitudes remata o 16 de febreiro.
CULTURA
Xoves 18 de xaneiro do 2007
O alcalde de Carballo, Evencio Ferrero, e a concelleira de Cultura, Belén Lendoiro, presentaron este xoves no Pazo da Cultura a programación dos Venres Culturais do Concello de Carballo, unha actividade a desenvolver até o mes de abril e que conta con 15 actuacións de música e teatro. As actuacións celebraranse no Pazo da Cultura e, nalgúsn casos, a oferta ampliarase a sábados ou domingos. O programa arranca este venres, 19 de xaneiro, cun concerto de Joao Afonso e Uxía a partir das 21,00 horas e con entrada libre. O sábado 20 o Coro Aires de Bergantiños, tamén a partir das 21,00 horas e con entrada libre, ofrece un concerto con motivo do seu XXI aniversario.
