LECER
Mércores 4 de abril do 2007
A celebración de Panxea 2007, un festival que se celebrará en Carballo os días 6 e 7 de abril e no que o pan será o protagonista, será un dos maiores atractivos da localidade durante as festas de Semana Santa. Baixo o lema de Pan e solidariedade, nesta primeira edición da Feira solidaria o obxectivo de colaboración está situado nos campamentos de refuxiados saharauis. Os fondos recadados no evento serán destinados a fariña para pan e material musical educativo para as escolas de nenos e nenas con necesidades educativas especiais da Uilaia de Smara.
CULTURA
Martes 3 de abril do 2007
A terceira edición do Premio a artigos xornalísticos normalizadores do Concello de Carballo, que outorga un primeiro premio de 1.000 euros e un segundo de 350, realízase desde 2005 e en colaboración con oito medios de comunicación escritos, que publicarán os dous artigos gañadores. Esta iniciativa convócaa a Concellaría de Cultura, Ensino e Normalización Lingüística, desde o Servizo de Normalización Lingüística municipal do Concello de Carballo, entidade comprometida coa dinamización social do uso do galego, e busca os obxectivos de promover a reflexión sobre a situación social da lingua galega e de crear espazos nos xornais para analizar esta situación. O prazo de presentación de artigos remata o 18 de abril de 2007.
COMERCIO
Martes 3 de abril do 2007
Ao fío da da colaboración coa Dirección Xeral de Comercio e o convenio coa empresa nacional Mercasa, o Concello de Carballo organizou no Pazo da Cultura unha xornada sobre o presente e futuro dos mercados e o comercio, unha iniciativa que perseguía dar os primeiros pasos de cara a definir a estratexia a seguir para convertir o mercado municipal de Carballo na locomotora do comercio da localidade. A directora xeral de Comercio, Ana Rúa, asegurou no desenvolvemento da xornada que a Consellería de Innovación e Industria prestará a súa colaboración no proceso de renovación do mercado, do que se expuxeron as claves e ideas fortes durante a súa celebración. Medio centenar de empresarios acudiron á celebración desta xornada, da que tamén participaron representantes das formacións políticas da corporación municipal.
URBANISMO
Martes 3 de abril do 2007
O alcalde de Carballo, Evencio Ferrero, o concelleiro de Urbanismo, Manuel Andrade, e o concelleiro de Facenda, José Antonio Viña, celebraron este martes unha xuntanza en Santiago co director xeral de Urbanismo, Ramón Lueje. O obxectivo da mesma era a de valorar a situación xurídica actual xerada logo da sentencia do Tribunal Superior de Xustiza de Galicia que anula o Plan Xeral de Ordenación Municipal de Carballo, ademáis da situación actual do planeamento do Concello de cara á futura revisión do documento urbanístico.
BALANCE MENSUAL
Luns 2 de abril do 2007
O Grupo Municipal de Intervención Rápida de Carballo tivo que participar en 33 emerxencias durante o pasado mes de marzo, que arroxou un total de 126 intervencións. No tocante ás emerxencias, destacan en Carballo 11 por accidentes de tráfico e limpezas, 19 por limpezas de estradas, 2 por incendios urbáns e un incendio nun vehículo.
COMERCIO
Luns 2 de abril do 2007
O Pazo da Cultura acolle este luns, 2 de abril, a celebración dunha xornada sobre Os mercados e o comercio. Presente e futuro. A directora xeral de comercio da Xunta de Galicia, Ana Rúa, e o alcalde de Carballo, Evencio Ferrero, serán os encargados de inaugurar a xornada ás 19,00 horas. Ana Rúa, precisamente, visitara recentemente o mercado de abastos de Carballo para coñecer a súa situación. A xornada prolongarase até ás 22,00 horas, hora prevista para o acto de clausura, coa celebración de cinco ponencias.
XUNTA DE GOBERNO LOCAL
Luns 2 de abril do 2007
A Xunta de Goberno Local de Carballo aprobou na sesión celebrada este luns, 2 de abril, o convenio de cooperación entre o Concello de Carballo e a Consellería de Innovación e Industria para a dotación dunha área recreativa infantil en Arnados-Razo. O departamento autonómico achegará a cantidade de 59.923,56 euros para a realización do proxecto. Ademáis, aprobaronse os expedientes de contratación das obras Afirmado do camiño de Canelas ós Loureiros, Afirmado de camiño de Altivoa a Barbalde, Afirmado do camiño de Fontecaldeira e Regadeo, Pavimentación de pistas en Castrillón e Cambre e Reforzo de firme en camiño a Aldemunde. Todas estas actuacións están incluidas no Plan de Cooperación ás Obras e Servizos de competencia municipal e Rede Viaria Local 2007.
INDUSTRIA
Venres 30 de marzo do 2007
Carballo será o primeiro concello galego en incorporar as enerxías renovables en todos os seus ámbitos, logo da presentación que tivo lugar no Salón de Plenos da Casa do Concello do proxecto TEMUNDE. Os barrios da Milagrosa, Igrexario e A Casilla convertiranse nun parque temático sobre enerxías renovables e aforro enerxético, experiencia pioneira en toda Galicia.
CONVOCATORIA
Venres 30 de marzo do 2007
A Xunta de Goberno Local de Carballo obordará o vindeiro luns, 2 de abril, a partir das 13,30 horas, unha nova sesión ordinaria na que se contempla a aprobación do convenio de cooperación entre o Concello de Carballo e a Consellería de Innovación e Industria para a dotación dunha área recreativa infantil en Arnados-Razo. Ademáis, abordarase a aprobación dos expecientes de contratación das obras Afirmado do camiño de Canelas ós Loureiros, Afirmado de camiño de Altivoa a Barbalde, Afirmado do camiño de Fontecaldeira e Regadeo, Pavimentación de pistas en Castrillón e Cambre e Reforzo de firme en camiño a Aldemunde. Todas estas actuacións están incluidas no Plan de Cooperación ás Obras e Servizos de competencia municipal e Rede Viaria Local 2007.
INDUSTRIA
Venres 30 de marzo do 2007
O conselleiro de Innovación e Industria, Fernando Blanco, foi o encargado de inaugurar as III Xornadas de Enerxías Renovables e Aforro Enerxético, que desde o pasado xoves se celebran no Pazo da Cultura de Carballo. O alcalde de Carballo, Evencio Ferrero, e o presidente da Asociación de Xóvenes Empresarios de Bergantiños, Ramón Antelo, tamén tomaron parte no acto inaugural. A formación e a divulgación da aplicación das enerxías renovables no eido da construcción son os alicerces desta terceira edición das Xornadas, nas que 18 expertos de recoñecido prestixio encárganse de impartir un total de 19 ponencias nas que os asistentes terán a oportunidade de formular calquera tipo de pregunta ou resolver dúbedas.
URBANISMO
Xoves 29 de marzo do 2007
O alcalde de Carballo, Evencio Ferrero, ven de convocar unha xuntanza con técnicos, constructores, promotores e demáis axentes inmobiliarios que traballan en Carballo para informar sobre a situación urbanística do municipio, logo da sentenza do Tribunal Superior de Xustiza de Galicia pola que se anula o Plan Xeral de Ordenación Municipal. A reunión, na que participarán representantes municipais, está programada para o vindeiro sábado, 31 de marzo, ás 11,00 horas no Pazo da Cultura.
SOLIDARIEDADE
Xoves 29 de marzo do 2007
A Cervexaría Dublín de Carballo acolle este venres 30 de marzo, ás 19,30 horas, a presentación de Panxea 2007, un festival que se celebrará en Carballo os días 6 e 7 de abril e no que o pan será o protagonista. Baixo o lema de Pan e solidariedade, nesta primeira edición da Feira solidaria o obxectivo de colaboración está situado nos campamentos de refuxiados saharauis. Os fondos recadados no evento serán destinados a fariña para pan e material musical educativo para as escolas de nenos e nenas con necesidades educativas especiais da Uilaia de Smara.
