Inicio Carballo ao día Hemeroteca
Luns 26 de novembro do 2007
Mañá martes, 27 de novembro, terá lugar a presentación pública do proxecto do novo mercado municipal que a empresa Mercasa elaborou nestes últimos meses. O acto, que comezará ás 19.30 e terá lugar no salón de plenos do Concello, permanecerá aberto a todas as persoas interesadas no proxecto.
Venres 23 de novembro do 2007
A oferta de 'Novembro con Música' para esta fin de semana componse de tres propostas moi distintas, pensadas para que todos os públicos dispoñan dunha alternativa interesante. Os concertos que albergará o Pazo da Cultura entre hoxe e o domingo ofrecerán unha equilibrada mestura de música tradicional, coral e contemporánea.
Xoves 22 de novembro do 2007
O Concello de Carballo oferta 15 prazas para aqueles rapaces e rapazas da localidade que teñan entre 10 e 13 anos e queiran participar na Campaña de esquí 2008 da Deputación da Coruña. O prazo de inscrición comeza hoxe, 22 de novembro, e remata o 18 de febreiro do ano entrante. Nesta nova edición, a estadía terá lugar na estación de Sierra Nevada (Granada).
Mércores 21 de novembro do 2007
O Concello de Carballo ofrecerá mañá, xoves 22, unha sesión para informar sobre a natureza do programa "Reto da autonomía" que levará a cabo en colaboración coa Obra Social La Caixa de Pensións. O acto comezará ás 17.30h no salón de actos do Pazo da Cultura.
Mércores 21 de novembro do 2007
O Centro de Información á Muller e a Concellería de Igualdade levarán a cabo este domingo, 25 de novembro, unha Feira das Asociacións na que participarán diversas asociacións e entidades relacionadas coa loita contra a violencia de xénero. A carpa estará instalada na Praza do Concello dende as 10.30h ata as 15.00h.
Martes 20 de novembro do 2007
Este venres, 23 de novembro, regresa ao Pazo da Cultura o Festival Dúas Veiras, Músicas de Galiza e Uruguai, que organizan a Asociación Casa del Uruguay El Ceibo e mais o Concello de Carballo. Esta segunda edición do festival volverá alternar actuacións musicais propias das tradicións galega e uruguaia, esta vez mesturadas con achegas máis modernas.
Luns 19 de novembro do 2007
Os alumnos de entre 3º e 6º cursos de primaria gozarán durante esta mañá do martes no Pazo da Cultura do espectáculo da banda Un cuarteto divertido, que dará un concerto didáctico pensado para incentivar os cativos na aprendizaxe da linguaxe musical. Para este novo evento de 'Novembro con Música' realizaranse dúas funcións: unha ás 10.00 e outra ás 12.00 horas.
Venres 16 de novembro do 2007
Como vén sucedendo nos últimos anos, a campaña 'Xuntos polo Nadal' quere facer que todos os nosos maiores estean acompañados durante as festas. Esta iniciativa da Vicepresidencia da Igualdade e do Benestar, a través da Dirección Xeral de Acción Social, está dirixida a aquelas persoas que, podendo valerse por si mesmas, teñan máis de 65 anos ou sexan pensionistas da Seguridade Social maiores de 60.
Venres 16 de novembro do 2007
Os membros das brigadas municipais de Medio Ambiente continúan as súas tarefas de mantemento e limpeza das fontes-lavadoiro nas distintas parroquias do municipio. Dende a xornada de onte tamén se realizan labores de limpeza de beirarrúas.
Venres 16 de novembro do 2007
O Coro Aires de Bergantiños e a Coral Polifónica de Bergantiños actuarán mañá sábado no marco do Festival de Corais, unha nova cita do programa de 'Novembro con Música'. O evento dará comezo ás 21:00h no Pazo da Cultura.
Xoves 15 de novembro do 2007
O tráfico no interior da localidade é agora un pouco máis fluído logo da instalación o mércores á noite da nova rotonda na Avenida da Milagrosa. Ao longo da xornada de onte xoves observouse unha clara mellora da circulación nesta zona, na que se adoitaban producir severas conxestións debido á confluencia de varias vías.
Mércores 14 de novembro do 2007
Hoxe ás 20.00h no Pazo da Cultura continúa a programación do 'Novembro con Música' 07 cun concerto de violín e piano a cargo de Daniel Kirilov e Vera Pavlova, que interpretarán varias pezas de compositores clásicos como Bach ou Mendelson.