Inicio Carballo ao día Hemeroteca
Luns 25 de febreiro do 2008
A Concellería de Xestión Municipal, responsabilidade do nacionalista Benedito Viña, comezou hoxe as tarefas de colocación de 85 placas de sinalización de rúas no casco urbano. Personal da empresa Aspaber-UTE está a realizar os traballos, que rematarán ao longo da presente semana.
Venres 22 de febreiro do 2008
A Concellería de Promoción Económica do Concello de Carballo, responsabilidade do nacionalista Xosé Manuel García Guillín, informa aos propietarios e propietarias de establecementos comerciais do municipio de que poden optar á concesión de axudas por parte da Consellería de Innovación e Industria. A Xunta de Galicia ofrece estas subvencións para a adecuación dos establecementos comerciais ao seu contorno competitivo.
Xoves 21 de febreiro do 2008
A Concellería de Turismo do Concello de Carballo, responsabilidade do nacionalista Xosé Manuel García Guillín, puxo en marcha hai varias semanas unha campaña para mellorar a sinalización turística no municipio. Os operarios municipais están a traballar na segunda fase deste proxecto, unha vez que xa remataron a colocación de grandes paneis informativos nos límites do termo municipal de Carballo.
Mércores 20 de febreiro do 2008
O vindeiro sábado, día 1 de marzo, terá lugar no Centro Cívico dos Mallos (na Coruña) a fase previa da 1ª Edición da Mostra Musical do Eixo Atlántico. Participarán na mesma representantes dun total de oito Concellos galegos, entre eles dous músicos que cursan os seus estudos no Conservatorio Profesional de Carballo.
Martes 19 de febreiro do 2008
O alcalde de Carballo, o nacionalista Evencio Ferrero, e o presidende da Sociedade Galega do Medio Ambiente S.A. (Sogama), José Álvarez, asinaron hoxe -19 de febreiro- un convenio de colaboración. Este acordo servirá para a implantación, posta en marcha e seguimento dun programa piloto de compostaxe doméstica no ámbito rural e o mesmo terá unha vixencia dun ano. A sinatura terá lugar na Casa do Concello.
Martes 19 de febreiro do 2008
O Concello de Carballo e a Deputación da Coruña asinarán en vindeiras datas un convenio de colaboración para a futura creación na Casa dos Oficios do municipio bergantiñán dun módulo de ensino non reglado de hostalería.
Martes 19 de febreiro do 2008
O Pacto Territorial de Emprego da Costa da Morte quedou constituido hoxe, día 19 de febreiro, coa sinatura da gran maioría dos 18 municipios que a Xunta de Galicia encadra na área da Costa da Morte. O acto tivo lugar ás 10.30 horas no Pazo da Cultura do Concello de Carballo.
Venres 15 de febreiro do 2008
A Concellaría de Igualdade de Concello de Carballo, responsabilidade da nacionalista Lourdes Rey, amplía a súa oferta de actividades cun obradoiro de 'Defensa persoal para mulleres'. Esta actividade, organizada a través do Centro de Información á Muller (CIM), desenvolverase entre os días 3 de marzo e 11 de abril.
Xoves 14 de febreiro do 2008
A Xunta de Goberno do Concello de Carballo acordou na súa última xuntanza, celebrada o día 13 de febreiro, concorrer a unha convocatoria de axudas con cargo ao Fondo Europeo de Desenvolvemento Rexional (Feder) para a creación do ‘Centro de dinamización socioeconómica e sostible de Carballo’ (Forum Carballo).
Mércores 13 de febreiro do 2008
A concelleira de Igualdade do Concello de Carballo, Lourdes Rey, destaca o éxito acadado polo Programa Concilia durante as vacacións de Entroido, período no que esta iniciativa continuou funcionando con noramalidade. Os pais e nais dun total de 30 menores do municipio fixeron uso deste servizo, que se mantivo activo en horario de 7.30 a 17.30 horas.
Martes 12 de febreiro do 2008
A Concellería de Obras e Servizos do Concello de Carballo, responsabilidade de Lois Lamas, está a executar catro obras de ancheamento en outros tantos camiños do municipio. A empresa contratada para a realización destes traballos, Construcciones Ramón Vázquez, iniciounos esta semana e estarán rematados en tres meses.
Martes 12 de febreiro do 2008
As Brigadas de Medio Ambiente e o Grupo Municipal de Intervención Rápida (Grumir) do Concello de Carballo remataron os traballos de limpeza das preto de 600 sinais (de tráfico e toponímicas) que están espalladas ao longo das 18 parroquias que conforman o municipio. Estas tarefas de mantemento iniciáronse a finais de xaneiro e concluiron o pasado luns.