PROGRAMA 'A CULTURA EDUCA'
Luns 10 de marzo do 2008
Os escolares de 1º e 2º da ESO do colexio Artai, e dos IES Alfredo Brañas, Monte Neme e Parga Pondal desfrutarán mañán da función teatral 'Valdemuller', levada a escena polo Centro Dramático Galego. A iniciativa 'Teatro na Escola' forma parte do programa 'A Cultura Educa', promovido pola Concellería de Cultura do Concello de Carballo, que é responsabilidade de Belén Lendoiro.
REPULSA CONTRA A BARBARIE ETARRA
Luns 10 de marzo do 2008
A cidadanía de Carballo gardou hoxe dous respetuosos minutos de silencio para amosar a súa repulsa contra a barbarie de ETA e a súa solidariedade coa familia do ex concelleiro socialista de Mondragón Isaías Carrasco, asasinado pola banda armada o día 7 de marzo diante da súa casa.
SOLIDARIEDADE
Mércores 5 de marzo do 2008
Un ano máis, o Concello de Carballo participará no programa ‘Vacacións en Paz’, mediante o cal familias de todo o Estado español acollen durante os meses de verán a nenos e nenas saharauís. Este programa é posible gracias á suma de esforzos entre os Concellos e a sociedade, que no caso da nosa comunidade se encarga de aglutinar a asociación ‘Solidariedade Galega co Pobo Saharauí’.
CONVENIO ENTRE O CONCELLO E O COLEXIO
Martes 4 de marzo do 2008
A Concellería de Cultura do Concello de Carballo -responsabilidade de Belén Lendoiro- renovou por terceiro ano consecutivo o convenio coa comunidade educativa do CEIP Bergantiños para a apertura da biblioteca do centro en horario extraescolar (de 15.30 a 19.00 horas) durante os vindeiros tres meses. Deste xeito, o Concello contribúe a ampliar a oferta cultural para toda a cidadanía do municipio.
PASEO E ZONAS VERDES
Luns 3 de marzo do 2008
O Concello de Carballo está a rematar os traballos de mellora da accesibilidade e do entorno das praias de Razo e de Baldaio. As obras atópanse na súa fase final e estarán listas para a vindeira primavera e verán, según avanza o concelleiro de Obras e Servizos, Lois Lamas.
PROGRAMA FORMATIVO
Venres 29 de febreiro do 2008
As mulleres inmigrantes que residan no municipio de Carballo e que dispoñan de permiso de traballo ou estén en trámites de conseguilo teñen a oportunidade de participar nun novo programa formativo de Radio Ecca. Esta Fundación, en colaboración coa Concellería de Igualdade do Concello de Carballo, ofrece un novo programa formativo destinado a este colectivo de poboación e que, neste caso, estará centrado no tema da saúde. O día 7 de marzo remata o prazo para apuntarse neste curso.
CERTIFICADOS DE LINGUA GALEGA (CELGA)
Venres 29 de febreiro do 2008
O Concello de Carballo, a través do seu Servizo de Normalización Lingüística e en colaboración coa Secretaría Xeral de Política Lingüística da Xunta de Galicia, organiza catro cursos de lingua galega preparatorios para a obtención dos novos Certificados de lingua galega (Celga) dos niveis 1, 2, 3 e 4. O prazo de inscrición para todos os niveis remata o día 14 de marzo.
FORMACIÓN PARA AS NAIS E OS PAIS
Xoves 28 de febreiro do 2008
As nais e os pais do municipio de Carballo poderán desfrutar por cuarto ano consecutivo do programa ‘Aprender para Educar, organizado de xeito conxunto polo Concello de Carballo e a Asociación Socio Pedagóxica Galega. Esta iniciativa pretende dar apoio formativo aos proxenitores para axudalos na difícil tarefa que representa educar.
EXPOURENSE, DO 5 AO 9 DE MARZO
Xoves 28 de febreiro do 2008
A comarca de Bergantiños voltará contar cun protagonismo especial en ‘Xantar’, o Salón Galego de Gastronomía e Turismo. A novena edición deste evento, que se celebrará en Expourense entre o 5 e o 9 de marzo, foi presentada hoxe, día 28 de febreiro, no Concello de Carballo.
REDE DE DINAMIZACIÓN DA SOCIEDADE DA INFORMACIÓN
Mércores 27 de febreiro do 2008
O Concello de Carballo, en colaboración coa Rede de Dinamización da Sociedade da Información abre o prazo para inscribirse nos tres obradoiros sobre informática que se desenvolverán durante o vindeiro mes de marzo. Os cursos de ‘Iniciación á Informática’, ‘Iniciación a Internet’ e ‘Tes un e-mail! Correo Electrónico’.
XORNADA DIDÁCTICA O XOVES, 27 DE FEBREIRO
Mércores 27 de febreiro do 2008
A Deputación da Coruña, en colaboración coa Orquestra Sinfónica de Galicia e o Concello de Carballo, ofrécelle ao Conservatorio de Carballo unha nova xornada didáctica ou clase maxistral o xoves, día 27 de febreiro.
ACORDOS PLENARIOS
Martes 26 de febreiro do 2008
A Corporación Local do Concello de Carballo, na súa sesión plenaria celebrada onte -día 25 de febreiro-, aprobou de xeito definitivo o Plan Parcial do Sector C-1 e o orzamento municipal para o presente ano. Estes dous acordos foron os máis destacables dun pleno no que se debatiron un total de 12 puntos.
