UN TOTAL DE 28 TENDAS PARTICIPARON NO CERTAME

Miriñaque, Atelier, O armario de Pati e Poppy: gañadores do Concurso de Escaparatismo de Nadal que repartiu 2.000 euros en premios

Martes 27 de decembro do 2016

Imaxe do escaparate gañador, da tenda Miriñaque na rúa Valle Inclán

O xurado do Concurso de Escaparatismo de Nadal 2016 vén de dar a coñecer o seu fallo, nun certame no que repartiron 2.000 euros entre os catro primeiros establecementos clasificados. O xurado estivo formado por dous representantes do Concello de Carballo, un representante do Centro Comercial Aberto, un representante de Axober, outro da Asociación de comerciantes, hostaleiros e empresarios do Barrio da Milagrosa e un representante da Asociación Crea Formas que valoraron a calidade artística dos escaparates, a composición, o alumeado, a utilización de elementos tradicionais do Nadal, a orixinalidade, o esforzo e dedicación do promotor/a no resultado e o uso do galego.

Os catro premios concedidos, por un importe global de 2.000 euros, correspóndense co seguinte ditame:

• Primeiro premio, de 1.000 euros para Miriñaque.
• Segundo premio de 500 euros para Atelier.
• Terceiro premio de 250 euros para O armario de Pati.
• Cuarto premio de 250 euros para Poppy.

Galería