Cultura

Xa están en Carballo os veciños e veciñas de L’Isle Jourdain cos que festexaremos os 25 anos de irmandamento

Ao longo da semana participarán en numerosas actividades culturais e institucionais

Luns 22 de abril do 2019 Cultura

O concelleiro de Cultura, Marcos Trigo; a presidenta do Comité de Irmanamento de Carballo con L’Isle Jourdain, Ana Cancela, e as familias de acollida recibiron hoxe aos veciños e veciñas da vila francesa que participan nun novo intercambio entre os dous concellos, pero este moito máis especial, xa que coincide co 25º aniversario do irmandamento. Con este motivo, ao longo da semana celebraranse numerosas actividades culturais e institucionais.

Este é o programa:

• Martes: visitas a Santiago de Compostela, ría de Arousa e Cambados.
• Mércores: visitas á Coruña e ao Museo Etnolúdico de Galicia (Melga), en Ponteceso. A partir das 19.00 horas, Festival Galego-Occitano-Francés no Pazo da Cultura.
• Xoves: obradoiro de pandeireta e canto tradicional galego, presentación do muro pintado polos artistas carballeses Cristina Castro e Santi Picos, visita guiada polo litoral carballés, recepción oficial na Casa do Concello (19.15 horas) e cea de despedida.