Benestar

INSCRICIÓNS DO 4 AO 13 DE OUTUBRO

A Universidade Sénior da UDC trae por segundo ano a Carballo o seu proxecto de democratización do coñecemento

Despois da excelente acollida da primeira edición, o 15 de outubro arrincará o segundo curso

Xoves 3 de outubro do 2024 Benestar

O 15 de outubro botará a andar en Carballo a segunda edición do Proxecto de democratización do coñecemento, o programa de formación universitaria para maiores de 50 anos que promove a Universidade da Coruña (UDC) a través da Universidade Sénior.

O programa, que é gratuíto para as persoas participantes, consta de tres módulos con diferentes temáticas, con sesións teóricas, que se celebrarán de 17.00 a 19.00 horas no Fórum Carballo, e sesións prácticas en distintos espazos, todas elas impartidas por profesorado da Universidade da Coruña.

MÓDULO I. ARTE E PATRIMONIO

• 15 de outubro. Unha mirada sociolóxica ao consumo e as prácticas culturais, con María Andrade Suárez.
• 16 de outubro. Do Renacemento ao Barroco a través da arquitectura dos mosteiros galegos, con Estefanía López Salas.
• 22 de outubro. A moda a través da historia, con Elvira Lezcano González.
• 23 de outubro. Saída cultural con Estefanía López Salas.

• 29 de outubro. I+D e Innovación en Galicia, con Alfonso Bravo Juega.
• 30 de outubro. Situarse no ceo: o ceo como guía, con Alsira Salgado Don.
• 5 de novembro. Ciencia con datos, con Salvador Naya Fernández.
• 6 de novembro. Saída de campo con Alsira Salgado Don.

• 12 de novembro. Factores de risco da demencia, con José Luis Rodríguez-Villamil Fernández
• 13 de novembro. Que é o edadismo? Reflexionando para acadar unha sociedade inclusiva, con Raquel Veiga Seijo.
• 19 de novembro. Augas termais e saúde, con Rosa Meijide Faílde. Entrega de diplomas.
• 25 de novembro. Saída de campo con Rosa Meijide Faílde.

O prazo de inscrición estará aberto do 4 ao 13 de outubro, e a matrícula poderá facerse tanto de maneira presencial coma online. A Universidade Sénior é un proxecto de formación universitaria específico, e neste caso conta co financiamento da propia UDC, da Xunta de Galicia e do Concello de Carballo.

Ligazóns